काठमाडौं– सर्वोच्च अदालतले प्रहरी महानिरीक्षक (आईजीपी) नियुक्तिको विरुद्ध अतिरिक्त प्रहरी महानिरीक्षक (एआईजी) विश्वराज पोखरेलले दायर गरेको मुद्दामा यसअघिका मुद्दासँगै एकैसाथ राखी हेर्न लगाउ आदेश दिएको छ।

 पोखरेलले प्रहरी महानिरीक्षक नियुक्तिमा वरिष्ठता मिचेर आफूमाथि अन्याय भएको भन्दै सर्वोच्च अदालतमा मुद्दा दायर गरेका थिए। न्यायाधीशद्वय विश्वम्भर श्रेष्ठ र कुमार चुँडालको संयुक्त इजलासले पोखरेलको मुद्दालाई यसअघि अवकाश पाइसकेका नायब महानिरीक्षकहरू ईश्वरबाबु कार्की, प्रकाशजंग कार्की र घनश्याम अर्यालको मुद्दासँगै राखेर हेर्ने लगाउ आदेश दिएको हो।

अदालतको नयाँ आदेशसँगै मुद्दा लम्बिने देखिएको छ। पोखरेल आगामी साउनबाट अवकाश पाउँदैछन्।