काठमाडौँ- शहीद स्मारक सी डिभिजन लिगमा महावीर क्लबले पाचौँ जित निकालेको छ ।

ललितपुरको सातदोबाटोस्थित एन्फा कम्प्लेक्समा मंगलबार दिउँसो भएको खेलमा महावीरले स्वयम्भू क्लबलाई ३–२ गोल अन्तरले पराजित गरेको हो ।

महावीरका लागि सुरज थारुले २ र रोमन तामाङले १ गोल गरे । त्यस्तै, स्वयम्भूका लागि विजय श्रेष्ठ र अरुण आलेले १–१ गोल फर्काए ।

खेलको १८ औँ मिनेटमा रोमनको गोलले महावीरले अग्रता लिएको थियो । स्वयम्भूका  विजयले खेलको २९ औँ मिनेटमा गोल गर्दै खेललाई बराबरीमा पुर्‍याए ।

खेलको ५१ औँ मिनेटमा अरुणको  गोलले स्वयम्भूले खेलमा पुनः अग्रता लिएको थियो । ६१ औँ मिनेटमा महावीरका सुरजले गोल गर्दै खेललाई पुनः बराबरीमा पुर्‍याए ।

महावीरका लागि ७० औँ मिनेटमा सुरजले दोस्रो गोल गर्न सफल भए । खेलको बाँकी समयमा कुनै गोल हुन सकेन र खेल महावीरले ३–२ ले जित्यो ।