सप्तरी– भौतिक पूर्वाधार तथा यातायातमन्त्री रेणुकुमारी यादवले सबै जनताको साथ सहयोग लिएर विकासका गतिविधि अगाडि बढाउने बताएकी छिन् ।

स्थानीय तह निर्वाचन–२०७९ अन्तर्गत राजविराज नगरपालिकाका नवनिर्वाचित जनप्रतिनिधिहरूको शपथग्रहण समारोहमा आज मन्त्री यादवले निर्वाचनको परिणामलाई स्वभाविक मान्नुपर्ने र आपसी भाइचारा कायम रहनुपर्ने बताइन्

शिक्षा र स्वास्थ्यको विकासमा जोड दिँदै अस्पताल र क्लिनिकमा चिकित्सकको समय किटान गर्नुपर्ने र नगरभित्रको बिमारीलाई एम्बुलेन्सले प्राथमिकता दिनुपर्ने बताइन् ।

राजविराज नगरपालिकाको प्राङ्गणमा आयोजित एक समारोहबीच राजविराजका नवनिर्वाचित नगरप्रमुख भिमराज यादवले मुख्य निर्वाचन अधिकृत सप्तरी जिल्ला अदालतका प्रमुख न्यायाधीश चन्द्रमणि ज्ञवालीसमक्ष पद तथा गोपनीयताको शपथ लिए ।

शपथपछि उनले आफ्नो पालिकाका उपप्रमुख, वडाध्यक्ष र सदस्यलाई शपथ ग्रहण गराए । नवनिर्वाचित नगरप्रमुख यादवले जनताको सेवकको रुपमा काम गर्ने प्रतिबद्धता जनाए ।