काठमाडौँ– आयुष्मान खुराना प्राय सोसल ड्रामा बेस्ड फिल्म गर्छन् । त्यस्तै फिल्म मार्फत उनले आफूलाई स्थापित समेत गरिसकेका छन् ।

 यिनै आयुष्मानले अभिनय गरेको पछिल्लो फिल्म हो ‘अनेक’ । यस अगाडि पनि उनले ‘आर्टिकल १५’ फिल्ममा काम गरेका थिए । त्यो पनि उनले अभिनय गरिरहेको फिल्ममा फरक थियो । आयुष्मानलाई यस्ता फरक फिल्महरू निर्देशक अनुभव सिन्हाले दिएका हुन् । राजनीतिक एक्सन थ्रिलर फिल्ममा आयुष्मानले करिअरमै पहिलोपटक अण्डरकभर प्रहरीको भूमिका निर्वाह गरेका छन् ।

फिल्मलाई भारतको नर्थ इष्ट क्षेत्रमा छायांकन गरिएको छ । निर्देशक सिन्हाले एक अन्तरवार्तामा यी फिल्महरू आयुष्मानलाई अफर गर्नुको कारण बारे बताए । ‘मैँले आयुष्मानलाई जस्तो देखेको छु । त्यही अनुसार फिल्ममा देखाउँछु । मलाई थाहा छैन, उनलाई सोसल ड्रामा मात्र किन अफर हुन्छु निर्देशक सिन्हाले भने । उनले आफूले खोजेको पात्रमा आयुष्मान फिट भएको समेत बताए ।

‘पछिल्लो फिल्म आर्टिकल १५ मा केही कमी थियो । यद्यपि यसपटक उनले बडी पनि बनाएका छन् । उनलाई मैँले देखाउने पात्रमा ढाल्न कुनै अप्ठ्यारो भएन’ उनले भने । आयुष्मानले पनि निर्देशक सिन्हासँग काम गर्दा आफूले केही सिकिरहेको बताए ।

मैँले उनीसँग काम गर्दा भारतलाई झनै नजिकबाट चिन्ने मौका पाउँछु । र, मलाई फरक तरिकाले प्रस्तुत गर्ने निर्देशक पनि उनी नै हो’ आयुष्मानले भने । फिल्म मे २२ मा रिलिज हुँदैछ । आयुष्मानले क्षेत्र र भाषाको आधारमा भारत विभाजित भइरहेकाले सबैमा भारतीयको भावना जगाउनुपर्ने विषय उठाइरहेको देख्न सकिन्छ ।

फिल्ममा एक्सन अवतारमा देखिएका उनलाई यसमा पनि दर्शकले रुचाउने अनुमान गर्न सकिन्छ ।