झापा– बिर्तामोड नगरपालिकाको मेयर र उपमेयरमा नेकपा (एमाले) विजयी बनेको छ । मेयरमा पवित्रा महतरा र उपमेयरमा नगेन्द्र सङ्ग्रौला विजयी बनेका हुन् ।
महतराले नेपाली कांग्रेसका भोजराज सिटौलालाई तीन हजार ७५८ मतले पराजित गरेका छन् । उनले १६ हजार ५२० मत प्राप्त गरे भने सिटौलाको १२ हजार ७६२ मत मात्र आएको छ ।
यसैगरी उपमेयरमा सङ्ग्रौला १५ हजार ५८६ मत प्राप्त गरी विजयी बनेका हुन् । उनका निकटम् प्रतिस्पर्धी सिपी कडरियाले आठ हजार ४५१ मत प्राप्त गरेका छन् ।
यसअघिको कार्यकाल बिर्तामोडको उपमेयर रहेकी महतरा जिल्लामा नगरपालिकाको मेयरमा निर्वाचित हुने पहिलो महिला बनेकी छिन् ।
प्रतिक्रिया