सर्लाही- सर्लाहीको बागमती नगरपालिका-३, मा नेकपा (माओवादी केन्द्र) का उम्मेदवार प्यानलसहित विजयी भएका छन् । निवर्तमान वडाध्यक्ष समेत रहेका माओवादी केन्द्रका उम्मेदवार तिलक मोक्तानले विजयी हुँदै कार्यकाल दोहोर्‍याएका हुन् ।

मोक्तानले ११३७ मत प्राप्त गरे । यस्तै उनको निकटतम प्रतिस्पर्धी नेकपा एमालेका उम्मेदवार हिरालाल स्यांतानले ६९० मत प्राप्त गरी पराजित भए । यो सँगै बागमती नगरपालिकाको १, २ र ३ गरी तिन वटा वडामा माओवादी केन्द्रमा उम्मेदवार विजयी भई सकेका छन् ।

यस्तै नगरको मेयर र उपमेयर पदमा भने, यो समाचार तयार गर्दा सम्म दोब्बर मतान्तरले माओवादी केन्द्रका उम्मेदवार भरत कुमार थापा र लिला कुमारी मोक्तान अगाडि देखिएका छन् । निवर्तमान मेयर समेत रहेका थापाले ३९२९ मत प्राप्त गरेका छन् भने निवर्तमान उपमेयर समेत रहेकी मोक्तानले ३७६३ मत प्राप्त गरेकी छिन् ।

यस्तै निकटतम प्रतिस्पर्धी नेकपा एमालेबाट मेयरका उम्मेदवार टंक बहादुर बस्नेत (गोकुल)ले २२१० र उपमेयरको उम्मेदवार सरिता घिसिङले २६१५ मत प्राप्त गरेकी छिन् ।