डडेलधुरा– डडेल्धुराको अजयमेरु गाउँपालिकाको अध्यक्षमा नेकपा (माओवादी केन्द्र) र उपाध्यक्षमा नेपाली काँग्रेस विजयी भएको छ ।

 अध्यक्षमा माओवादी केन्द्रका उमेशप्रसाद भट्ट र उपाध्यक्षमा नेपाली काँग्रेसकी बसन्ती पाल निर्वाचित भएका हुन् । नेकपा एमालेका उम्मेदवार पदम पाललाई १७२ मतले हराउँदै माओवादी केन्द्रका भट्ट विजयी बनेका हुन् । भट्टले २४६९ मत पाउँदा उनका प्रतिद्वन्द्वी पालले २२९७ पाए । यस्तै, नेपाली काँग्रेसबाट अध्यक्ष पदका उम्मेदवार टेकराज पाण्डेयले १९८१ मत पाए । २०७४ सालको स्थानीय तह निर्वाचनमा पनि माओवादी केन्द्रका भट्ट नै अध्यक्षमा विजयी भएका थिए ।

 त्यस्तै माओवादी केन्द्रकी उम्मेदवार कलावती भाणलाई २५६ मतले पछि पार्दै काँग्रेसकी पाल उपाध्यक्षमा विजयी भइन् । पालले २५६५ मत पाउँदा उनकी प्रतिद्वन्द्वी माओवादी केन्द्रकी भाणले २३०९ मत पाइन् । अजयमेरुमा बिपी काँग्रेस र एमालेको गठबन्धन छ ।