काठमाडौँ– अभिनेता राज घिमिरे (सानु राजा) गोदावरी नगरपालिका वडा नं ३ को अध्यक्षमा विजयी भएका छन् ।

नेकपा माओवादी केन्द्रबाट उम्मेदवार बनेका उनी १ हजार ५९ मतसहित विजयी भएका हुन् । 

उनका निकटतम प्रतिद्वन्द्वी नेकपा एमालेका राम आचार्यले १ हजार ४८ मत प्राप्त गरेका छन् ।

घिमिरे अघिल्लो पटक स्थानीय निर्वाचनमा यसै वडाबाट पराजित भएका थिए ।

घिमिरेले केही अगाडि आफूले जिते अध्यक्षको हैसियतले पाउने कुनै पनि सरकारी सुविधा नलिने घोषणा गरेका थिए ।

उनले सामाजिक सञ्जालमा एक पोष्ट गर्दै आफूले पाउने सेवा सुविधा गरिब तथा जेहन्दार विद्यार्थीका लागि खर्च गर्ने योजना सुनाएका छन् । 

नेपाली फिल्म चपली हाइटको अभिनयबाट परिचित बनेका उनले केही फिल्मसँगै म्युजिक भिडियोमा अभिनय गरेका छन् ।