काठमाडौं– पाइलट तथा कलाकार विजय लामालाई पितृशोक परेको छ । लामाले आफू पितृशोकमा परेको सामाजिक सञ्जालमार्फत जानकारी दिएका छन् ।

उनका पिताको दुई हप्तादेखि राजधानीको मनमोहन अस्पतालको सीसीयूमा उपचार भइरहेको थियो । स्वास्थ्यमा कठिनाइ आएपछि उनलाई अस्पताल भर्ना गरिएको थियो ।

विजयले सामाजिक सञ्जालमा भावुक स्टाटस लेख्दै बुबाको निधनले आफू मर्मातहत भएको बताएका छन् ।

‘बाउ तिमी विना मलाई बस्ने बानी छैन, तिम्रो यादले निकै सताउनेछ, तर मलाई विश्वास छ, तिम्रो खुशी नै मेरो खुशी हुनेछ,’ उनले फेसबूकमा लेखेका छन् ।

‘अब म तिमीलाई कल्पनामा मात्र जिस्काउँछु है, शायद झस्किुन्छ होला तिमीलाई नपाउँदा,’ उनले लेखेका छन् ।

पार्थिव शरीरको सोमबार बुद्ध जयन्तीको दिन बौद्ध धर्म अनुसार अन्तिम संस्कार गरिनेछ ।