काठमाडौं– कारागारमा रहेका निलम्बित सांसद रेशम चौधरीको नागरिक उन्मुक्ती पार्टीका उम्मेदवार कैलालीको टीकापुर नगरपालिकाको ५ नम्बर वडामा विजयी भएका छन् ।

नागरिक उन्मुक्ती पार्टीका वडाअध्यक्षमा बलवीर थारुसहित अन्य ५ जना निर्वाचित भएका हुन् ।

टीकापुरको मेयर र उपमेयरमा जारी मतगणनामा पनि चौधरीको पार्टीका उम्मेवाराले कायम गरेका छन् ।

उक्त पार्टीका तर्फबाट टीकापुरमा मेयरका उम्मेदवार रामलाल थारुले ७ सय २९ मतसहित अग्रता लिएका छन् ।

उनका निकटतम प्रतिद्वन्द्वी नेकपा (एमाले) का श्याम खत्रीले केबल ३ सय ४७ मत प्राप्त गरेका छन् ।

त्यस्तै, सोही पार्टीका तर्फबाट उपमेयरकी उम्मेदवार उल्कादेवी विश्वकर्माले पनि अग्रता कायम गरेकी छिन् । उनले ६ सय ३५ मत प्राप्त गरेकी छन् ।