काठमाडौं– स्थानीय तहको निर्वाचन अन्तर्गत गोरखा नगरपालिकामा मत गणना जारी छ ।

हालसम्मको मतपरिणाम अनुसार गोरखा नगरपालिकामा नेपाली कांग्रेसका मेयर पदका उम्मेदवार राजनराज पन्तले १ हजर ५६ मत प्राप्त गर्दै अग्रता लिएका छन् ।

उनलाई ७ सय १० मत ल्याएका नेकपा (माओवादी केन्द्र) का उम्मेदवार कृष्णबहादुर रानाले पछ्याइरहेका छन् । त्यस्तै, नेकपा एमालेकी उम्मेदवार सम्झना देवकोटाले ६ सय ३४ मत ल्याउँदै तेश्रो स्थानमा छिन् ।

त्यस्तै, गोरखा नगरपालिकामा उपमेयर पदमा पनि कांग्रेसले अग्रता लिएको छ । उपमेयर पदका लागि कांग्रेसकी उम्मेदवार मसलीमाया थोकर पुनले १ हजार ८२ मत ल्याएकी छिन् ।

त्यस्तै, एमालेबाट उपमेयरका उम्मेदवार देवीबहादुर बस्नेतले ६ सय १५ मत ल्याएर उनलाई पछ्याइरहेका छन् । त्यसैगरी जनता समाजवादी पार्टीबाट उपमेयर पदका प्रत्याशी नायारण खत्रीले ३ सय ५८ मत ल्याउँदै तेश्रो स्थानमा छन् ।