काठमाडौँ– मलंगवा नगरपालिका वडा नम्बर १ को वडाध्यक्षमा नेपाली कांग्रेसका नवल किशोर यादब विजयी भएका छन् ।

४५ वर्षीय नवलकिशोर ४ सय २३ मत सहित विजयी भएका हुन् । उनका निकटतम प्रतिद्वन्दी जनता समाजवादी पार्टीका राजकिशोर राय यादवले ४ सय ११ मत प्राप्त गरेका छन् । त्यहाँ वडाध्यक्षको उम्मेद्वारमा दुईजना मात्र थिए ।

मेयरतर्फ भने कांग्रेसका नागेन्द्र प्रसाद रायले ४ सय ५५, जसपाका निरसल साहले ३ सय ६६ र नेकपा एकीकृत समाजवादीका देवेन्द्र रायले ८ मत प्राप्त गरेका छन् । उपमेयरमा भने कांग्रेसकी सकुन्तला देवीले ४ सय १८, जसपाकी पानोदेवीले ३ सय ७३ र लोसपाकी सीमा झाले १९ मत प्राप्त गरेकी छिन् । यो जिल्लामा गठबन्धन नभएकाले सबै दल आ–आफ्नै उम्मेदवारका साथ चुनावी मैदानमा होमिएका थिए ।

कही कतै वडामा आन्तरिक  सहमति र गठबन्धन भने भएका छन् ।