काठमाडौँ– रणवीर सिंह अभिनीत फिल्म ‘जयशभाई जोरदार’ नेपालमा शनिवारबाट प्रदर्शनमा आएको छ ।

शुक्रबार स्थानीय तहको निर्वाचनका कारण हल बन्द हुने भएकाले शनिवारबाट हल खुलेसँगै फिल्म प्रदर्शनमा आएको हो । यशराज ब्यानरमा बनेको कमेडी ड्रामा फिल्म ‘जयशभाइ जोरदार’ मा रणवीर सिंह, शालिनी पाण्डे र बोमन इरानीको मुख्य भूमिका छ । दिब्यांग ठक्करले फिल्मको लेखन तथा निर्देशन गरेका हुन् ।

फिल्मलाई नेपालमा निर्मातासँगै वितरक रहेका सुनिल मानन्धरले भित्र्याएका हुन् । केही समय फिल्म वितरणमा सक्रिय नदेखिएका मानन्धरले यसअघि साउथ इन्डियन फिल्म ‘ईटी’ नेपाल ल्याएका थिए । मानन्धरको वितरण कम्पनी सिंहदेवी प्रोडक्सनले भारु २१ लाख (३३ लाख ६० हजार नेपाली रुपैयाँ) मा उक्त फिल्म खरिद गरेको हो ।

उनले यशराजका अन्य फिल्मलाई पनि नेपालमा ल्याउने जनाए ।