वीरगञ्ज– आन्तरिक राजस्व कार्यालय वीरगञ्जले लामो समयदेखि कर नतिरेका र बक्यौता धेरै रहेका करदातासँग कर उठाउने भएको छ ।

त्यस्तो बक्यौता बाँकी रहेका १ सय १ फार्मको नाम राजस्व कार्यलयले लिस्टिङ समेत गरेको छ । कार्यालय अन्तरगत रहेका १०१ करदाताले आयकर, मूल्य अभिबृद्धि कर र अन्तः शुल्क बक्यौता दाखिला नगरेको देखिएको छ ।

अन्तरिक राजस्व कार्यालय वीरगञ्जले बाँकी बक्यौता रकम दाखिला गर्न भनी फर्महरुको नाममा १५ दिने सूचना समेत जारी गरेको छ ।

सूचनाको वेवास्ता गरे कानुन बामोजिम कारवाही प्रक्रिया अवलम्बन गरी बक्यौता असुलउपर गरिने कार्यालयले जनाएको छ । समयमै बक्यौता नबुझाउने करदाताको कारोबार रोक्का, बैंक खाता रोक्का र प्रोप्राइटर÷सञ्चालकको घरजग्गा रोक्का गर्ने समेत कार्यलयले चेतावनी दिइएको छ ।