आईसीसी एकदिवसीय विश्वकप क्रिकेटमा आज (बुधबार) अस्ट्रेलिया र पाकिस्तानले प्रतिस्पर्धा गर्दैछन् ।

खेल नेपाली समयानुसार दिउँसा सवा ३ बजेपछि ङ्ग्ल्यान्डस्थित काउन्टी ग्राउण्ड टाउनटोनमा शुरु हुने छ ।

भारतसँगको खेलमा पराजय व्येहोरेको अस्ट्रेलिया पाकिस्तानसँग नतिजा खोस्ने लक्ष्यसहित मैदान उत्रिनेछ भने पाकिस्तान आफ्नो लय कायम गर्न अस्ट्रेलियालाई रोक्ने लक्ष्यसहित मैदान उत्रिनेछ ।

आईसीसी वरियताको ५ औं र छैटौं स्थानमा रहेका यी २ टोलीबीचको खेललाई महत्वपूर्ण खेलका रुपमा हेरिएको छ । यो विश्वकपमा कमजोर शुरुवात गरेको पाकिस्तानले दोस्रो खेलमा इङ्ग्ल्याण्डलाई पराजित गर्दै राम्रो पुनरागमन गरेको थियो ।

यस्तै, अस्ट्रेलियाले शुरुका २ खेल जित्दै सुखद् शुरुवात गरेको थियो भने तेस्रो खेलमा भारतसँग पराजित भएको थियो ।

३६ रनले भारतसँग पराजित भएको अस्ट्रेलियाका लागि पाकिस्तानविरुद्ध ब्याट्सम्यान डेभिड वार्नर, स्टेभ स्मिथ लगायतले राम्रो गर्दै टोलीलाई जित दिलाउन सक्छन् ।

यस्तै, पाकिस्ताका लागि इङ्ग्ल्यान्डविरुद्ध उत्कृष्ट ब्याटिङ गरेका मोहम्मद हफेज, बाबर अजामले आक्रामक ब्याटिङ गर्दै अस्ट्रेलियालाई रोक्नसक्ने खेलाडीका रुपमा हेरिएको छ ।