युरो कप छानेटमा एन्डोरोलाई पराजित गर्दै फ्रान्स खेलमा फर्किएको छ । छनोटको समूह ‘एच’ मा रहेको फ्रान्सले एन्डोरालाई ४–० गोल अन्तरले पराजित गरेको हो ।

एन्डोरामाथि जीत हात पारेको फ्रान्स समूह एचको शीर्ष स्थानमा पुगेको छ । फ्रान्सले युवा स्टाइकर केलिएन एमबाप्पेको गोलमा एन्डोरामाथि अग्रता बनाएको थियो । यस्तै, विसाम वेन यद्देरले ३० औं मिनेटमा र फ्लोरियान थेयुभीनले पहिलो हाफको इन्जुरी समयमा गोल गर्दा पहिलो हाफमै एन्डोरोमाथि ३–० को अग्रता बनाएको थियो ।

यसअघि ट्रकीसँग २–० ले पराजित भएको फ्रान्सलाई खेलमा फर्काउन मुख्य प्रशिक्षक डिडियर देसच्याम्पले टोलीमा ७ जना खेलाडी परिवर्तन गरेका थिए ।

फ्रान्सका लागि चौथो गोल खेलको ६० औं मिनेटमा कुर्तु जोउमाले गरेका थिए । एन्डोरोलाई पराजित गरेको फ्रान्सले ४ खेलबाट ९ अंक बनाउँदा समान ९ अंक रहेका ट्रकी र आइसल्यान्डसँग गोल अन्तरले अघि रहेको छ ।