काठमाडौँ– बाहुबली सिरिज मार्फत चर्चामा आएका अभिनेता प्रभासले त्यसपछि एक्सन जनराकै फिल्म गरिरहेका छन् ।

पछिल्लो समय राधे ‘श्याम’ नामक लभ स्टोरीमा देखिएका प्रभासले सफलता पाउन सकेनन् । अर्थात् उनलाई दर्शकले रोमान्टिक अवतारमा स्वीकारेनन् । यसैले गर्दा हुन् सक्छ उनले नयाँ फिल्म ‘हरर’ जनराको रोजेका छन् । आदिपुरुष, सलार, प्रोजेक्ट के जस्ता एक्सन, थ्रिलर , साइन्स फिक्सन जनराका फिल्महरु गरिरहेका प्रभासले ‘राजा डिलक्स’ नामक हरर फिल्ममा काम गर्ने तयारी गरिरहेका छन् । 

फिल्ममा प्रभासको को-स्टार माल्विका मोहन हुनेछिन् । फिल्मको छायांकन सेटमै हुनेछ । यसलाई प्रभासले दुई सेड्युलमा पुरा गर्ने योजना बनाएका छन् ।

टाइम्स अफ इन्डियाका अनुसार प्रभासले फिल्मको कथा पढेपछि हरर जनरामा ट्राइ गर्ने मनसाय बनाएका हुन् । फिल्म मारुती दसारीको निर्देशनमा बन्ने छ ।