काठमाडौँ– कमल थापा नेतृत्वको राप्रपा नेपालले स्थानीय तहको निर्वाचनमा पार्टीले ठूलो अपेक्षा नगरेको बताएको छ ।

मंगलबार अध्यक्ष थापाले विज्ञप्ति जारी गर्दै आफूहरूको संगठन सबै पालिकामा निर्माण भइनसकेको र चुनावको तयारीका लागि समयको अभावका कारण ठूलो महत्वाकांक्षा वा अपेक्षा नरहेको बताएका हुन् ।

उनले संविधानप्रति सहकार्य गर्ने नीति अनुरुप चुनावमा प्रतिकात्मक उपस्थिति रहेको पनि जनाएका छन् ।

राप्रपा नेपालले स्थानीय चुनावमा केही पालिकाहरूमा नेकपा एमालेसँग सामान्य तालमेल गरेको पनि जानकारी दिएको छ ।

स्थानीय तहको चुनावमा सामान्य भए पनि राप्रपाको सहभागिता प्रजातन्त्र, जनसर्वोच्चता र स्थानीय स्वायत्त शासन प्रणालीप्रतिको राप्रपा नेपालको प्रतिवद्धताको धोतक भएको पनि थापाले उल्लेख गरेका छन् ।