काठमाडौँ- काठमाडौँको चावहिलबाट सुनौलो रंगको कछुवासहित प्रहरीले एकजना युवकलाई पक्राउ गरेको छ । पक्राउ पर्नेमा कीर्तिपुर नगरपालिका वडा नं ८ घर भई हाल शंखरापुर साखु बसोबास गर्ने २३ वर्षीय आशिष थापा घर्ती रहेका छन् ।
प्रहरीले चावहिलस्थित खोटाङ हलेसी गेष्ट हाउसको चौथो तलाबाट थापाको साथबाट कालो झोला भित्र राखेको एउटा सुनौलो रंगको कछुवा बरामद गरेको हो ।
सुनौलो कछुवा बेच्न २० लाखमा कारोबार हुँदै छ भन्ने गोप्य सूचनाको आधारमा खोजतलास गर्ने क्रममा काठमाडौँ उपत्यका अपराध अनुसन्धान कार्यालयबाट खटेको टोलीले फेला पारी थप अनुसन्धान र आवश्यक कारवाहीका लागि जिल्ला वन कार्यालय हात्तीसारमा पठाइएको छ।
प्रतिक्रिया