काठमाडौं– विश्वव्यापी निन्दाबीच अफगानिस्तानको शासन गरिरहेको तालिबानले मुलुकको सर्वोच्च अदालतबाट फारसी भाषालाई हटाउने आदेश जारी गरेको छ ।
भारतीय समाचार संस्था एएनआईका अनुसार तालिबानले सर्वोच्च अदालतको नाम समेत फेरेर ‘शक्तिको न्यायपालिका’ राखेको छ ।
समाचारमा जनाइएअनुसार आइन्दा अफगानिस्तानको सर्वोच्च अदालतमा पश्तो र अङ्ग्रेजी भाषा मात्र प्रयोग गरिनेछ ।
यसअघि पनि तालिबानले मुलुकका विभिन्न संस्थाहरुबाट फारसी भाषा हटाएको जनाइएको छ । यसअघि तालिबानले बाल्ख विश्वविद्यालयमा पनि फरसी भाषालाई बन्देज गरेको एएनआईले जनाएको छ ।
यसबाहेक तालिबानले यसअघि उज्बेक भाषामाथि पनि प्रतिबन्ध लगाएको जनाइएको छ ।
प्रतिक्रिया