मुम्बई – हिन्दी फिल्म अभिनेता सलमान खानको आगामी फिल्म ‘किक २’ को निर्देशन फिल्म निर्माता साजिद नाडियाडवालाले गर्ने भएका छन् । पहिले यो फिल्मको निर्देशनको जिम्मा रोहित सेट्टीले सम्हाल्ने खबर बाहिर आएको थियो ।
यो खबरलाई हल्ला साबित गर्दै साजिद नाडियडवालाको फिल्म निर्माण कम्पनीले यसबारेमा आधाकारिक जानकारी दिएको हो ।
केही समयअघि सम्म पनि फिल्मको निर्देशक रोहित सेट्टीले नै गर्ने भनिएको थियो । अब भने साजिदको कम्पनीका अनुसार यो फिल्मलाई साजिदले नै निर्देशन गर्ने पक्का भएको छ । फिल्ममा सलमान खानसँगै ज्याकलीन फर्नाडिसको पनि मुख्य भूमिका हुने बताइएको छ ।
प्रतिक्रिया