एजेन्सी– भारतको सर्वोच्च अदालतले ६ वर्षभन्दा मुनिका बालबालिकालाई विद्यालय नपठाउन आदेश दिएको छ ।

न्यायाधीश सञ्जय किशन कौल र एमएम सुन्दरेशको इजलासले केन्द्रीय विद्यालयमा कक्षा १ मा विद्यार्थी भर्नाको न्यूनतम उमेर ६ वर्ष पुर्‍याएको छ । यसअघि, न्यूनतम उमेर पाँच वर्ष थियो ।
विद्यालयमा भर्नाका लागि न्यूनतम उमेर ५ बाट ६ वर्ष पुर्‍याउने केन्द्रीय विद्यालय संगठनको निर्णयविरुद्ध अभिभावकहरूले रिट दायर गरेका थिए । यही रिटको सुनुवाइ गर्दै कम उमेरमा विद्यालय नपठाउन अदालतले आदेश दिएको हो ।

कम उमेरमा विद्यालय पठाउनु बालबालिकाको मनोवैज्ञानिक स्वास्थ्यका लागि उचित नहुने अदालतको तर्क छ ।

बालबालिकालाई विद्यालय पठाउन हतार गर्न आवश्यक नभएको भन्ने कुरा असुन्धानहरूबाट पनि खुलेकोसमेत अदालतको जिकिर छ ।