काठमाडौं– पाकिस्तानको कराँची शहरमा बम विष्फोट हुँदा तीन चिनियाँ सहित चार जनाको मृत्यु भएको छ । विश्वविद्यालय परिसरमा रोकिरहेको भ्यानमा विष्फोट भएको सुरक्षा अधिकारीहरुलाई उद्धृत गर्दै कतारी टेलिभिजन च्यानल अल जजीराको अनलाइन संस्करणले जनाएको छ ।

कराँची विश्वविद्यालयमा भएको बम विष्फोटको श्रोतबारे अनुसन्धान भइरहेको विश्वविद्यालयका प्रवक्ता मोहम्मद फारुकले बताए । आक्रमण आत्मघाती शैलीको भएको हुनसक्ने प्रहरीको अनुमान छ ।

कराँची प्रहरीका प्रमुख गुलाम नबी मेमनले सुरक्षा क्यामेराबाट लिइएको भिडियोमा बुर्का लगाएका व्यक्ति भ्यान नजिकै पुगेलगत्तै विष्फोट भएको देखिएको बताएका छन् ।

आक्रमणको जिम्मा हालसम्म कसैले पनि लिएको छैन ।