काठमाडौँ– सञ्जयलीला भन्साली निर्देशित फिल्म ‘गंगुबाई काठियावाडी’ ओटीटी प्लेटफर्म नेटफ्लिक्समा रिलिज भएको छ । 

आलिया भट्टको केन्द्रीय भूमिका रहेको फिल्म हलमा रिलिज भएको दुई महिनापछि मङ्गलबारबाट नेटफ्लिक्समा स्ट्रिमिङ भएको हो । ‘दी माफिया क्विन अफ मुम्बई’ पुस्तकमाथि आधारित यो फिल्ममा सन् १९६० को दशकमा मुम्बईको कमाठीपुरमा बेश्यालय चलाउने गंगुबाईको कथा प्रस्तुत गरिएको छ ।

समीक्षकहरुबाट सकारात्मक समीक्षा पाएको ‘गंगुबाई काठियावाडी’ ले बक्स अफिसमा पनि राम्रै कमाइ गरेको थियो । फिल्ममा आलियासंगै शान्तन महेश्वरी, विजय राज, इन्दिरा तिवारीलगायतको मुख्य भूमिका रहेको छ ।

फिल्ममा अजय देवगण केमियो भूमिकामा देखिएका छन् ।