खोटाङ– खोटाङको केपिलासगढी गाउँपालिका अध्यक्षमा तीन जनाको उम्मेद्वारी दर्ता भएको छ ।

आसन्न स्थानीय तहको निर्वाचनका लागि कांग्रेसबाट अध्यक्षमा समिर राई र उपाध्यक्षमा राधा गिरी, एमालेबाट अध्यक्षमा कृष्णकुमार राई र मैयाँ सुनुवार, गठबन्धनकातर्फबाट अध्यक्षमा नेकपा एकीकृत समाजवादीका माइतीराज राई र उपाध्यक्षमा जनता समाजवादीका गुरुराज राईले उम्मेद्वारी दिएका छन् ।

केपिलासगढी गाउँपालिकामा कांग्रेस बाहेकको गठबन्धन छ । कांग्रेस भने एक्लै चुनावी मैदानमा उत्रिएको हो ।

७ वडा रहेको केपिलासगढी गाउँपालिकामा गाउँपालिका अध्यक्ष, उपाध्यक्ष, वडाध्यक्ष, महिला, दलित महिला र खुला सदस्यमा १२६ जनाको मनोनयन दर्ता भएको निर्वाचन अधिकृत राजकुमार राईले बताए ।