महोत्तरी– महोत्तरीको बर्दिबास नगरपालिकाकाे मेयरमा कांग्रेसका दुई जनाले आकांक्षा देखाएका थिए ।

लामाे समयदेखि चल्दै आएकाे विवादमा कांग्रेसले भने चिरञ्जीवी हमाललाई आधिकारिकता दिँदै मेयरकाे टिकट दिएकाे छ ।

पार्टीकाे निर्णयप्रति असन्तुष्टि जनाउँदै अर्का आकांक्षी प्रल्हाद क्षेत्रीले भने स्वतन्त्र रूपमा उम्मेदवारी दिने तयारी गरेका छन् ।

उनीहरू दुवै जना साेमबार बिहान एकै समय मेयरकाे उम्मेदवारी दर्ता गर्न निर्वाचन कार्यालय बर्दिबासमा पुगेका थिए ।

बर्दिबास निर्वाचन कार्यालयका प्रमुख भुपेन्द्र सापकोटाका अनुसार एउटै पार्टीका दुई उम्मेदवारको मनोनयन दर्ता गर्न नमिल्ने भनेपछि उनीहरू फर्किएका थिए ।

सापकोटाले भने, ‘हामीले आधिकारिकता पुष्टि गर्न कांग्रेस पार्टीलाई पत्रचार गरेका थियौँ । अहिले हमालको आधिकारिकता भएको पुष्टि गरेको छ ।´