काठमाडौँ- इण्डियन प्रिमियर लिग आईपीएलमा शनिबार २ खेल हुँदैछन् ।

भारतको मुम्बईस्थित डीवाईपाटील स्टेडियममा हुने खेलमा कोलकत्ता नाईट राईडर्स र गुजरात टाईटन्स भिड्ने भएका छन् ।

अपराह्न पौने ४ बजे सुरु हुने खेलमा कोलकत्ता चौथो जितको खोजीमा रहने छ भने गुजरात छैंटौं जित निकाल्दै शीर्ष स्थानमा उक्लिन चाहनेछ ।

आजको खेलमा १ विकेट मात्रै लिए पनि गुजरातका राशिद खान आईपिएलमा १०० विकेट पुरा गर्ने १७औँ बलर बन्नेछन् ।कोलकत्ता ६ अंकसहित तालिकाको सातौँ स्थानमा छ भने गुजरात १० अंकसहित दोस्रो स्थानमा रहेको छ ।

अर्को खेलमा रोयल च्यालेन्जर्स बेंगलोर र सन्राईजर्स हैदराबाद मुम्बईको ब्रेबोर्न स्टेडियममा राति पौन ८ बजे आमने/सामने हुनेछन् ।

बेंगलोर छैंटौं जितको खोजीमा छ भने सन्राईजर्स पाँचौँ जितको खोजीमा छ । बेंगलोर १० अंकसहित तालिकाको तेस्रो स्थानमा हुँदा ८ अंकसहित हैदराबाद पाँचौँ स्थानमा छ ।