लमजुङ – ३० वैशाखमा हुने स्थानीय तहको निर्वाचनमा पुनः उम्मेदवारी दिनका लागि लमजुङमा स्थानीय तहका जनप्रतिनिधिहरूले धमाधम पदबाट राजीनामा दिइरहेका छन् । मर्स्याङ्दी गाउँपालिका ४ का वडाध्यक्ष सुमन गुरुङले पुनः एमालेबाट वडाध्यक्ष बन्न पदबाट राजीनामा दिएका हुन् ।

यस्तै बेशिसहर नगरपालिका वडा नम्बर ५ का वडा सदस्य प्रेमबहादुर तामाङले पनि वडाध्यक्षमा उम्मेदवारी दिन वडा सदस्यबाट राजीनामा दिएका छन् ।

लमजुङको बेशिसहर नगरपालिका वडा नम्बर ५ का वडा सदस्य प्रेमबहादुर तामाङले वडाध्यक्षमा उम्मेदवारी दिन वडा सदस्यबाट राजीनामा दिएका छन् । बेसिसहर नगरपालिका ३ का वडा सदस्य श्रीकान्त घिमिरेले नगरपालिकाकै प्रमुखमा उम्मेदवारी दिन सदस्यबाट राजीनामा बुझाएका छन् । उनीहरू दुवै नेपाली कांग्रेस हुन्।

११ वैशाखअघि नै पदबाट राजीनामा दिने तयारी भइरहेको अन्य जनप्रतिनिधिहरूले बताएका छन् । लमजुङमा ८ स्थानीय तहमध्ये ४ नगरपालिका र ४ गाउँपालिका छन्। जिल्लामा ७५ वटा वडा छन् ।