काठमाडौँ- अमेरिकी उच्चस्तरीय संसदीय टोली काठमाडौँ आइपुगेको छ। सिनेटर किर्स्टन जिलीब्रान्डको नेतृत्वको टोली तीन दिने औपचारिक भ्रमणका लागि नेपाल आएको हो।
उक्त टोलीमा सिनेटरहरू शेल्डन ह्वाइटहाउस (रोड आइल्याण्ड), कोरी बुकर (न्यू जर्सी), मार्क केली (एरिजोना) र प्रतिनिधिसभा सदस्य मोन्डेयर जोन्स (१७औं कङ्ग्रेसनल डिस्ट्रिक्ट, न्यूयोर्क) सहभागी छन्।
नेपाल-अमेरिका सम्बन्धको ७५ औं वर्ष मनाउने पूर्वसन्ध्यामा यो उच्चस्तरीय भ्रमण दुई देशबीच रहेको आपसी लोकतान्त्रिक मान्यता, जनस्तरको सम्बन्ध तथा गहिरो कूटनीतिक साझेदारीको प्रमाण रहेको अमेरिकी दूतावासले जनाएको छ।
प्रतिक्रिया