काठमाडौँ– निर्देशक फाइनल नभएता पनि फिल्म ‘शमशेर’ युनिटले अन्य कलाकारहरूलाई अनुबन्धित गरिरहेको छ ।

केही दिन यता कलाकारहरूको लाइनअप गरिरहेको टिमले अभिनेता प्रकाश शाह र एभरेष्ट फिल्म एकेडेमीका विद्यार्थी सुमन थापा अनुबन्धित गरेको छ । अभिनेता मनिष राउत र गौरव पहारी पश्चात टिमले अन्य कलाकारहरू पनि लाइनअप गरिरहेको हो ।

एक्सन जनरामा निर्माण गरिने  फिल्ममा एभरेष्ट फिल्म एकेडेमी र डी आर डेनिमको ब्यानरको लगानी रहनेछ । फिल्ममा हिमेश पन्त, सुमन गौतम, सबिन शाक्य, रुपेश कार्की, रुपेश लामा, आशिस पराजुलीलगायतका कलाकारको पनि अभिनय रहनेछ ।

काठमाडौँ, दुबई, सोलुखुम्बु र ढोरपाटनमा छायांकन गरिने फिल्म सीबड्र्स इन्टरटेनमेन्ट र धिरज प्रोडक्सनको सहकार्य निर्माण हुनेछ । फिल्ममा अर्जुन पोखरेलको संगीत रहने छन् ।