काठमाडौँ– भगवान र मानिसबीचको फरक देखाउने बताइएको नेपाली फिल्म ‘गणपति’ को फर्स्टलुक पोस्टर सार्वजनिक गरिएको छ ।

नयाँ वर्ष २०७९ को अवसरमा रिलिज गरिएको पोस्टरमा मानिस र हामीले भगवान मान्ने गणेशलाई सांकेतिक रुपमा आधा–आधा राखिएको छ ।

सविन अधिकारीको लेखन तथा निर्देशन रहेको फिल्ममा अभिनेता मुकून भुषाल र अभिनेत्री मेनुका प्रधानको प्रमुख अभिनय रहेको छ । उनीहरुसँगै सूर्यमाला खनाल, जयनन्द लामा, प्रकाश घिमिरे, राजाराम पौडेल, पुष्कर गुरुङ, अंशु मानन्धर, कालु राना, टीका भक्त जिरेल, देवेन्द्र बब्लु, सुशीला पोखरेल लगायतको अभिनय रहेको छ ।

‘गणपति’ नाम धार्मिक सुनिए पनि यसमा कुनै पनि धर्मको विरोध वा प्रचार नगरिएको निर्देशक अधिकारीले बताएका छन् । लक्ष्मण थापा, विज्ञान केसी र अरविन्द्र गिरी निर्माता रहेको फिल्ममा हरिबहादुर घलेको छायांकन रहेको छ । गीतमा अनिस अधिकारीले शब्द तथा संगीत दिएका छन् भने अनिस अधिकारी र देवेन्द्र बब्लुले आवाज दिएका छन् ।