काठमाडौँ – मिलन डि काप्रिको निर्देशनमा तयार भएको फिल्म ‘षट्कोण’ को ट्रेलर सार्वजनिक गरिएको छ ।

साइकोलोजिक थ्रिलर फिल्मको सार्वजनिक २ मिनेट लामो ट्रेलरमा कार्म एक मर्डर मिस्ट्रीको खोजीमा लागेको पत्रकारको भूमिकामा दखिएका छन् । ‘षट्कोण’ मिलनको डेब्यु निर्देशकीय फिल्म हो । क्लेमेन्टाइन प्रोडक्सन र ट्राभलर्स क्रिउ फिल्मस्को ब्यानरमा निर्माण भएको फिल्म आगामी वैशाख २३ गतेबाट नेपालका सिनेमा घरमा रिलिज हुनेछ ।

फिल्ममा कार्मसँगै भोलाराज सापकोटा, लोकेन्द्र लेखक, सुयशा अधिकारी, विराज कडरिया, शिशिर लिम्बु वानेम, बाल कलाकार असिम लामाको अभिनय रहेको छ । शिशिर लिम्बु वानेमको कथा तथा पटकथा रहेको फिल्मको संवाद महेश दवाडीले लेखेका हुन् । यसमा आङ्छेन लामाको छायांकन, सागर खनाल र निर्देशक मिलन डि काप्रिले सम्पादन गरेका छन् ।