दाङ – दाङको घोराही उपमहानगरपालिका–७ नागडाँडामा रोकी राखेको ट्र्याक्टरमा आइतबार राति तीन जना सवार मोटरसाइकल ठोक्किँदा एक जनाको मृत्यु भएको छ । दुर्घटनामा २ जना गम्भीर घाइते भएका छन् ।

मृत्यु हुनेमा मोटरसाइकल चालक दाङकै घोराही उपमहानगरपालिका–१६ बयरडाँडाका २२ वर्षीय निसान्त चौधरी रहेका छन् ।

गम्भीर घाइते भएका उनको उपचारको क्रममा घोराही स्थित राप्ती स्वास्थ्य विज्ञान प्रतिष्ठानमा राती १२ बजे मृत्यु भएको प्रहरीले जनाएको छ।

दुर्घटनामा घाइते भएका मोटरसाइकलमा पछाडि सवार १६ वर्षीय सिताराम चौधरीको सोही अस्पतालमा र २१ वर्षीय सागर चौधरीको कोहलपुर स्थित नेपालगन्ज मेडिकल कलेजमा उपचार भइरहेको छ ।

धर्नाबाट सर्रातर्फ आउँदै गरेको रा५प ५१८५ नम्बरको मोटरसाइकल रा१त ४६७८ नम्बरको ट्र्याक्टरको पछाडि गए राती साढे ११ बजे ठोकिएको थियो।