दिल्ली– भारतमा प्रधानमन्त्री नरेन्द्र मोदीको दोस्रो कार्यकाल अन्तर्गत नयाँ मन्त्रिरिषद्को पहिलो बैठक आगामी बुधबार बस्ने भएको छ ।

मोदीको नयाँ कार्यकालको पहिलो बैठक जुन १२ अर्थात् आगामी बुधबार बस्ने भारतीय सञ्चारमाध्यमले जनाएका छन् । पहिलो बैठकमा नयाँ सरकारले आगामी पाँच वर्षे कार्यकालको लक्ष्य निर्धारण गरी योजना अघि सार्ने जनाइएको छ ।

यसअघि नै मन्त्रीहरुलाई आगामी पाँच वर्षसम्म आफुले गर्ने प्रमुख कामको प्रारम्भीक योजना बनाउन निर्देशन दिइएको थियो ।

भारी बहुमतबाट दोश्रो कार्यकालका लागि निर्वाचित भएका प्रधानमन्त्री नरेन्द्र मोदीले गत मे ३० का दिन सपथ ग्रहण गरेका थिए । सपथ ग्रहणको भोलिपल्टै उनले आफ्ना मन्त्रीको जिम्मेवारी तोकेका थिए ।

सपथ ग्रहणका दुई सातापछि मोदीले मन्त्रीपरिषद्को पहिलो बैठक डाकेका हुन् ।