काठमाडौँ–अर्थमन्त्री जनार्दन शर्माले मिलेनियम च्यालेन्ज कर्पोरेशन (एमसीसी) परियोजनाको प्रक्रिया अगाडि बढाउन आग्रह गरेका छन् ।

सोमबार नेपाल सरकार र एमसीसीसम्बद्ध पदाधिकारीहरूबीच भएको भर्चुअल बैठकमा मन्त्री शर्माले यस्तो आग्रह गरेका हुन् ।

उनले परियोजना कार्यान्वयन अवधि एक वर्ष बाँकी रहे पनि धेरै विलम्ब गर्न नहुने बताएका छन् ।

एमसीसी चाँडै अगाडि बढ्छ भन्ने कुरामा जनतालाई विश्वास भइसकेकाले कार्यान्वयनका लागि समय नतोकेर छिट्टो अघि बढ्नुपर्ने पनि मन्त्री शर्माले बताए ।

एक वर्षे कार्यान्वयन अवधि लोमो समय भएको उनको भनाइ छ ।

बैठकमा अर्थमन्त्री शर्मा, एमसीसीका डेपुटी भाइस प्रेसिडेन्ट जोनाथन ए ब्रुक्स, एमसीसीको नेपालस्थित राष्ट्रिय निमित्त निर्देशक सञ्जय पौडेल, नेपालस्थित अमेरिकी दूतावासको राजनीतिक विशेषज्ञ रोजी कट्टेललगायत सहभागी थिए ।