काठमाडौँ – दक्षिण भारतीय अभिनेता पुनीत राजकुमारको अन्तिम फिल्म ‘जेम्स’ को ओटीटीमा रिलिज हुने भएको छ ।

फिल्मलाई सोनी लिभमा आउँदो अप्रिल १४ मा हेर्न पाउने निर्माण छ । ओटीटी प्लेटफर्म सोनी लिभमा कन्नडा, हिन्दी, मलयालम, तामिल र तेलुंगु भाषामा फिल्म रिलिज हुनेछ ।

पुनीतको अन्तिम फिल्म भएकाले हलमा समेत यसले राम्रो व्यापार गरेको थियो । पुनीतलाई याद गर्दैँ फ्यानहरुले यो संसारमा नभए पनि अप्पु सधैँ मनमा रहिरहने भन्दै उनको अन्तिम फिल्मलाई हेरेर अनुभव संचय गर्न भनेका छन् । पुनीत फ्यानहरु माझ अप्पु नामले परिचित छन्।

पुनीत कुमारको गत वर्ष सन् २०२१ को २९ अक्टोबरमा हृदयघातका कारण निधन भएको थियो। बेंग्लोरको विक्रम अस्पतालमा उपचारकै क्रममा उनको ४६ वर्षको उमेरमा मृत्यु भएको थियो। पुनीत चर्चित अभिनेता राजकुमारका छोरा हुन्।

बाल कलाकारबाट कलाकारिता सुरु गरेका उनी ‘अप्पु’, ‘राम’, ‘भिरा कन्नडिगा’, ‘अजय’, ‘मिलाना’, ‘अनजनी पुत्र’ लगायतका फिल्महरुमा देखिएका थिए।