काठमाडौं– सामाजिक अभियन्ता ज्ञानेन्द्र शाहीको रिहाईको माग गर्दै  समर्थकहरुले राष्ट्रिय ट्रमा सेन्टरमा नाराबाजी गरेका छन् ।

भ्रष्टाचार विरुद्धको कार्यक्रममा सुर्खेतका पत्रकारलाई गाली गर्दै गरेको एक भिडियो सार्वजनिक गरेपछि उनलाई कार्यक्रम स्थलबाटै प्रहरीले पक्राउ गरेको थियो ।

पत्रकारलाई अश्लील शब्दमा गाली गरेको अभियोगमा  पक्राउ परेका उनलाई प्रहरीले हिरासतमा यातनासँगै कुटपीट गरेपछि अहिले उनको राष्ट्रिय ट्रमा सेन्टरमा उपचार भइरहेको छ ।

उनका समर्थकहरुले शाहीको रिहाई माग गर्दै अस्पताल क्षेत्रमा दैनीक नाराबाजी गर्दै आएका छन् । अस्पताल क्षेत्रमा नाराबाजी गर्न नपाइने भएपनि शाहीका समर्थकहरुले अस्पताल परिषर भित्रै नाराबाजी गरेपछि अस्पतालको सेवा प्रवाहमा समेत असर परेको अस्पतालका चिकित्सकहरुले बताएका छन् ।