काठमाडौँ- साइकोलोजिकल थ्रिलर फिल्म ‘षट्कोण’ को प्रदर्शन मिति घोषणा गरिएको छ । आउँदो वर्ष बैशाख २३ गतेबाट प्रदर्शन आउने घोषणासँगै फिल्मको फस्टलुक पोस्टर पनि सार्वजनिक गरिएको छ ।

सार्वजनिक फस्टलुकमा अभिनेता कार्मलाई मात्र प्रस्तुत गरिएको छ । क्लेमेन्टाइन प्रोडक्सन र ट्राभलर्स क्रिउ फिल्मस्को ब्यानरमा निर्माण भएको फिल्मललाई मिलन डी काप्रीले निर्देशन गरेका छन् ।

मिलनले डेब्यु निर्देशनमै साइकोलोजिकल थ्रिलर विषयवस्तु रोजेका छन् । यसमा कार्मसँगै भोलाराज सापकोटा, लोकेन्द्र लेखक, सुयशा अधिकारी, विराज कडरिया, शिशिर लिम्बु वानेमको अभिनय रहेको छ । शिशिर लिम्बु वानेमको कथा तथा पटकथा रहेको फिल्ममा संवाद महेश दवाडीले लेखेका हुन् । यसमा आङ्चेन लामाको छायांकन, सागर खनाल र निर्देशक मिलन डि काप्रिको सम्पादन रहेको छ ।