काठमाडौं- आज(बिहीबार) बस्ने भनिएको नेकपा सचिवालयको बैठक स्थगित भएको छ ।

सचिवालयको बैठकमा सहभागी हुन नेताहरु बालुवाटार पुगेपनि तयारी नपुगेको भन्दै फर्काइएको सचिवालय सदस्य समेत रहेका बामदेब गौतमले जानकारी दिएका छन् । उनले भने,‘हामी बालुवाटार पुग्यौँ, बैठक बसेन हामी फर्कियौँ।’

उनका अनुसार प्रधानमन्त्री केपी शर्मा ओली युरोप भ्रमणबाट फर्किएपछि मात्रै फेरि बैठक बस्ने जानकारी दिएर बालुवाटार पुगेका नेताहरुलाई फर्काइएको हो । प्रधानमन्त्री ओली २५ गते युरोप भ्रमणमा जान लागेका छन् ।

उनी एकसाता बढिको युरोप भ्रमणपछि नेपाल फर्कने जनाइएको छ । पोलिट व्यूरो चयनमा प्रधानमन्त्री ओली र वरिष्ठ नेता माधवकुमार नेपालका बिचमा सहमति हुन नसकेपछि बैठक स्थगित भएको नेताहरुले बताएका छन् ।