काठमाडौं–अन्तर्राष्ट्रिय श्रम संगठन (आइएलओ) को वार्षिक कार्यक्रममा सहभागी हुन आगामी शनिवार प्रधानमन्त्री केपी शर्मा ओली स्वीट्जरल्याण्ड जाने भएका छन् ।

प्रधानमन्त्री ओलीसँगै श्रम, रोजगार तथा सामाजिक सुरक्षा मन्त्री गोर्कण विष्ट पनि जाने कार्यक्रम रहेको श्रम मन्त्रालयले जानकारी दिएको छ । आइएलोको कार्यक्रम जेनेभामा एक हप्तासम्म चल्ने छ ।  भ्रमणको क्रममा प्रधानमन्त्री ओलीले नेपाली श्रमिकका अवस्था र रोजगारदाता देशसँग नेपाली श्रमिकका विषयमा छलफल गर्ने तथा कार्यक्रम रहेको छ ।

जेनेभामा प्रधानमन्त्री ओलीले मोरिसस र युएईसँग श्रम समझदारीमा दुईपक्षीय हस्ताक्षर गर्ने योजना समेत रहेको श्रम मन्त्रालयले जानकारी दिएको छ । तर, यो विषयमा स्रोत देशसँग छलफल भइरहेको श्रम मन्त्रालयले जनाएको छ । युएईसँग सवै प्रक्रिया पुरा गरेर श्रम सम्झौतामा गर्ने मात्र बाँकी रहेको छ ।

अफ्रिकी र युएईसँग बैदेशिक रोजगारीको लागि श्रम समझदारी पत्रमा हस्ताक्षर गर्ने मिति तय भएको श्रम मन्त्रालयले जनाएको छ । प्रधानमन्त्री ओली अन्य रोजगारदाता देशसँग पनि नेपाली श्रमिकको सेवा सुविधा लगायतका विषयमा छलफल गर्ने मिति तय गरेको जनाइएको छ ।