काठमाडौँ- गायिका स्मिता घिमिरेले आफु लिखित उपन्यास ‘हराएको मुस्कान’ सार्वजनिक गरेकी छिन् । काठमाडौँमा पत्रकार सम्मेलन गर्दै सार्वजनिक गरिएको पुस्तक उनको पहिलो लेखन हो । गायनमा रहेकी स्मिताले आफ्नो यात्रामा लेखनलाई समेत थामेकी छिन् । ‘हराएको मुस्कान’ लोकार्पण समारोहमा बटुकहरुबाट बेदोचरण गर्दै सम्मानित व्यक्तित्वहरुको हातबाट पुस्तक सार्वजनिक गरिएको थियो ।

पुस्तक सार्वजनिक कार्यक्रममा विभिन्न व्यक्तित्वहरुलाई सम्मान पनि गरियो । ‘हराएको मुस्कान’ लोकार्पण समारोहमा विभिन्न क्षेत्रका १३ जनालाई सम्मान गरियो । सम्मानित हुने हरुमा स्व. तारानाथ शर्मा, विष्णु प्रभात,दिपक जंगम,कमल कोइराला,नवराज सुवेदी,कुन्ती मोक्तान,बलराम अर्याल,मनिषा कोइराला,उन्नति बोहोरा शिला,रमना श्रेष्ठ,बेन्जु सरोज,डा.प्रकाश सायमी,डा.सुदिपश्रेष्ठ रहेका थिए ।

कार्यक्रममा प्राज्ञ विष्णु प्रभातले पुस्तकको समिक्षा गरेका थिए । राजाराम फुयाँलले सम्पादन गरेको पुस्तकमा लेखिका स्वयम् आफैं पात्र भएर प्रस्तुत भएकी छिन् ।

स्मिता पनि कुनै समयमा क्यान्सर रोगबाट पिडित भएको सम्झिँदै अभिनेत्री मनिषाले उनको यात्रामा लेखन जोडिएकोमा खुशी व्यक्त गरिन्। कार्यक्रममा स्मिताको स्वरमा रहेको नयाँ गीतको भिडियोसहित सार्वजनिक गरिएको थियो ।