काठमाडौँ– कानुन, न्याय तथा संसदीय मामिलामन्त्री दिलेन्द्रप्रसाद बडूले स्वतन्त्र न्यायपालिकालाई सुदृढ र मर्यादित बनाउने विषयमा सबै दल एकमत हुने दाबी गरेका छन् ।
आइतबार संसद भवनमा सञ्चारकर्मीसँग कुरा गर्दै मन्त्री बडुले निलम्बित प्रधानन्यायाधीश चोलेन्द्रशमशेर जबराविरुद्धको महाअभियोग प्रस्तावमा संविधानसम्मत् बाटोबाट निर्णय हुने र यसमा सबै दल एकमत हुने बताएका हुन् ।
उनले प्रतिनिधिसभाको नियमावलीले देखाएको प्रक्रियासम्मत् ढंगले छलफलको प्रक्रिया प्रारम्भ हुने पनि जानकारी दिए ।
मन्त्री बडूले महाअभियोग प्रस्तावलाई मतदान प्रक्रियामा नलैजाने भन्ने विषयमा आशंका नगर्नसमेत आग्रह गरे ।
प्रतिक्रिया