काठमाडौँ– पोखरास्थित चरक मेमोरियक होस्पिटलले स्वास्थ्य सेवामा छुटको व्यवस्था गरेको छ ।

अस्पतालले विज्ञप्ति जारी गरी नेपाल बैंक लिमिटेडका कर्मचारी तथा ग्राहकहरूले छुट पाउने जनाएको हो ।

नेपाल बैंक लिमिटेड र अस्पतालबीच अस्पतालका विविध सेवामा लाग्ने शुल्कमा १५ प्रतिशतसम्म छुट दिनेसम्बन्धी सम्झौतापत्रमा हस्ताक्षर भएको छ ।

त्यस्तै, यस बैंकको डेविट कार्ड, क्रेडिट कार्ड, मोवाइल बैंकिङ्ग र क्यूआर कोर्डमार्फत् भुक्तानी गर्ने ग्राहकहरूलाई अस्पतालको विविध सेवामा १० प्रतिशतसम्म छुट हुने व्यवस्था पनि गरिएको छ ।

अस्पतालका तर्फबाट अध्यक्ष रामचन्द्र रेग्मी र नेपाल बैंकका प्रमुख कार्यकारी अधिकृत कृण्णबहादुर अधिकारीले सम्झौतापत्रमा हस्ताक्षर गरेका हुन् ।

कार्यक्रममा अस्पतालका संचालक समितिका अध्यक्ष रामचन्द्र रेग्मी, नेपाल बैंक गण्डकी प्रादेशिक कार्यलयका प्रमुख प्रतिमा श्रेष्ठ, नेपाल बैंकका बजारीकरण तथा अनुसन्धान डिभिजनका प्रबन्धक कृष्णहरी बुढाथोकी, बैंकका कर्मचारीहरू र चरक मेमोरिय अस्पतालका कर्मचारीहरूलगायतको उपस्थिति थियो ।

बैकले नेपालभर २१३ शाखा, १४७ एटीएम साथै ४९ वट एक्सटेन्सन काउन्टरमार्फत् करिब २० लाख ग्राहकलाई वित्तीय सेवा दिँदै आएको छ ।