काठमाडौँ- नारी दिवसको अवसरमा पाँचौँ झापा गोल्डकपअन्तर्गत मंगलबारको खेलमा नारीहरूले नि:शुल्क खेल हेर्न पाउने भएका छन् ।

आयोजकले सोमबार विज्ञप्ति जारी गर्दै ११२ औं अन्तर्राष्ट्रिय श्रमिक महिला दिवसको अवसरमा थ्री स्टार र संकटा क्लबबीचको खेल निःशुल्क हेर्न पाउने जनाएको छ  ।

‘समस्त आमा, दिदिबहिनीहरू प्रति सम्मान व्यक्त गर्दै समस्त महिलाका लागि भोलि फागुन २४ गते मंगलबार  झापा गोल्डकपको खेल प्रतियोगिता निःशुल्क हेर्ने व्यवस्था मिलाइएको सबैमा जानकारी गराउदछौँ । साथै यस अवसरमा सरकारले समेत सार्वजनिक विदा दिएकाले तनावमुक्त भएर समयमै उपस्थित भई खेल हेरेर मनोरञ्जन लिनुहुन सबै महिलामा अनुरोध छ,’ विज्ञप्तिमा भनिएको छ ।

जारी प्रतियागितामा १० टोलीको सहभागिता रहेको छ ।