बलिउड अभिनेत्री प्रियंका चोपडाले अमेरिकी गायक निक जोनससँग बिहे गरिन् । अहिले प्रियंकाको चर्चा निक जोनससँग जोडिएर हुने गर्छ । सामाजिक सञ्जालमा पनि प्रियंकाले निकसँगका तस्वीर खुबै शेयर गर्ने गर्छिन् ।

हालै प्रियंकाले सामाजिक सञ्जालमा एक तस्वीर शेयर गरेकी छिन्, जुन तस्वीरमा निक र प्रियंका रमाएका छन् । उक्त तस्वीरमा प्रियंका र निक जोनसले रोमियो एण्ड जुलियट स्टाइलको पोज दिएका छन् । प्रियंकाले क्याप्सनमा लेखेकी छिन् – रोमियो ओ रोमियो..

यो तस्वीरलाई फ्यानले रुचाएका छन् । तस्वीरमा निक र प्रियंकाको जोडी जबरजस्त देखिएको छ । तस्वीरमा देखिन्छ कि, प्रियंकाले पहेँलो रंगको पोशाक लगाएकी छिन् । तस्वीरमा निक जोनसकी भाञ्जी पनि छिन् ।

निक र प्रियंकाले अक्सर सामाजिक सञ्जालमा आफ्नो प्रेम पोखिरहेका हुन्छन् । यी दुईको जोडीले अमेरिकाको मिडियामा पनि स्थान पाउने गर्छ ।