एजेन्सी- घरविहीन व्यक्तिलाई बिस्कुटमा दन्तमन्जन राखेर खान दिएर झुक्याएको अभियोगमा एक युटुबरलाई १५ महिनाको जेल सजाय सुनाइएको छ । यो घटना स्पेनको हो । स्पेनिस ब्लगर कान्घ रेनले नैतिकताको उल्लंघन गर्दै सन् २०१७ मा घरविहीन व्यक्तिमाथि प्रा‌ंन्क (मजाक भिडियो बनाउनु) गरेका थिए ।

बार्सिलोनास्थित अदालतले ब्लगर रेनको युट्युब च्यानल पूर्ण रुप बन्द गर्न आदेश दिँदै आगामी सन् २०२४ सम्म कुनै पनि भिडियो पोस्ट गर्न नपाउने निर्णय सुनाएको छ ।

यस्तै गरी रनले पीडित व्यक्तिलाई २० हजार युरो क्षतिपूर्ति तिर्नु पर्ने पनि अदालतले आदेश दिएको छ । रेनले भिडियोमा मजाक गरेका घरविहीन ति व्यक्तिको पनि पहिचान खुलेको छ ।

ति व्यक्ति रोमानियन जर्ज एल रहेको र बार्सिलोना आउनु अघि उनी गोठालोको काम गर्ने गरेको स्पेनिस सञ्चारमाध्यमहरुले जनाएका चन् ।