काठमाडौँ – अन्तर्राष्ट्रिय फौजदारी अदालत आईसीसीले युक्रेनमा रूसी गतिविधिहरूको बारेमा अनुसन्धान शुरु गरेको छ ।

आईसीसी अभियोजक करीम खानले यसबारे जानकारी दिँदै जारी युद्धमा रुसी गतिविधिबारे अनुसन्धान शुरु भएको जनाएका हुन् ।

‘सक्रिय अनुसन्धान तुरुन्तै अगाडि बढ्ने आईसीसी अध्यक्षलाई सूचित गरेको छु।’ उनले जारी गरेको विज्ञप्तिमा उल्लेख छ ।

‘प्रमाण सङ्कलनमा हाम्रो काम अब शुरु भएको छ’, आईसीसीले संगठनको मुख्य उद्देश्यमा ध्यान केन्द्रित गर्नेछ, अदालतको क्षेत्राधिकार अन्तर्गत अपराधहरूको लागि जवाफदेहिता सुनिश्चित गर्नेछ।’

केही दिनअघिमात्रै युक्रेनी राष्ट्रपति भोलोदिमिर जेलेन्स्कीले युक्रेनमा रुसले युद्ध अपराध गरिरहेको आरोप लगाएका थिए । रुसमाथि जानाजान गैरसैनिक युक्रेनीलाई निशाना बनाउने गरेको आरोप पनि लाग्ने गरेको छ ।