गुलमर्ग – जम्मु काश्‍मीरको गुलमर्गमा आइतबारदेखि ‘क्राफ्ट मेला’ को आयोजना गरिएको छ।

कश्मीरको उत्कृष्ट कला र शिल्प प्रदर्शन गर्ने एक अद्वितीय हस्तकला प्रदर्शनी भारतको विकास आयुक्त ह्यान्डलूम्स कार्यालय र हस्तकला तथा ह्यान्डलूम्स कश्मीर निदेशालयले संयुक्त रूपमा आोजना गरेको हो।

निर्देशक हस्तशिल्प र ह्यान्डलूम काश्मिर महमूद अहमद शाहिनले पर्यटन विभाग, गुलमर्ग विकास प्राधिकरण र जम्मु काश्‍मीर केबलकार परियोजनाका अधिकारीहरूको उपस्थितिमा प्रदर्शनीको उद्घाटन गरेका हुन्।

त्यस अवसरमा एच एन्ड एच कश्मीरका निर्देशकले प्रदर्शनीले कारिगरहरूलाई आफ्ना सुन्दर उत्पादनहरू सीधै खरिदकर्ताहरूलाई बेच्नको लागि उपयुक्त मार्केटिङ प्लेटफर्म दिने र गुलमर्ग भ्रमण गर्ने पर्यटकहरूलाई काश्मीरको समृद्ध कला र शिल्पको झलक दृश्यावलोकनको अवसर दिने बताए।

‘हाम्रा दक्ष कारिगरहरूले शताब्दीयौंदेखि यस माध्यमबाट आफ्नो समृद्ध लोकगीतलाई सृजनात्मक अभिव्यक्ति दिँदै आएकाले यस प्रदर्शनीले पारखी र उपभोक्ताको मन जित्ने विश्वास गरेका छौँ,’ निर्देशकले भने।

आगन्तुकहरूलाई आकर्षित गर्न जारी रहेको प्रदर्शनीको विशेष आकर्षण भनेको कात्‍ने, कानीलगायत विभिन्न हस्तकलाको प्रत्यक्ष प्रदर्शनी रहेको छ। पाँच दिनसम्म चल्ने प्रदर्शनीमा काश्मिरका उत्कृष्ट कलाकृति पश्मिना, कानीलगायतका कला प्रदर्शनी हुनेछन्।