काठमाडौं–मध्यपूर्वमा अमेरिका र इरानबीच वाकयुद्ध उत्कर्समा पुगेको छ । अमेरिकाले मध्यपूर्वमा इरानलाई लक्षित गरी आफ्नो सैन्य संख्या बढाउनुका साथै नाकाबन्दी थप कसिलो बनाउँदै लगेको छ ।

यही बेला युएईको ट्याङ्कर इरानको तट नजिकै डुबेपछि अमेरिकाले इरानले धराप थापेर डुबाएको आरोप लगाएको छ ।

तर, यही मामिलामा कुनै साइनोसमेत नरहेको नेपालको नामसमेत जोडिन आइपुगेको छ । अमेरिकी राष्ट्रिय सुरक्षा सल्लाहाकार जोन वाल्टनले गत मे १२ मा युएईका चार पानीजहाजमा भएको आक्रमणमा इरान दोषी रहेको आरोप लगाएका छन् ।

युएईको राजधानी आवुदाबीमा संवाददाताहरुसँग कुराकानी गर्दै वाल्टनले भनेका छन् -‘युएईका पानी जहाजमाथि इरानले आक्रमण गरेको निश्चित छ । अमेरिकालाई आक्रमणमा को जिम्मेवार छ भन्नेकुरामा कुनै दुविधा छैन । तपाईं यो आक्रमण कस्ले गर्‍यो भन्ने सोच्नुहुन्छ ? कोही नेपालबाट आएर गरे होला त ?’