लमजुङ – जिल्ला अस्पताल लमजुङले ‘हेलो डाक्टर’ सेवा सञ्चालनमा ल्याएको छ ।

लमजुङलगायत छिमेकी जिल्लाबाट कोरोनाको आंशका भएका विरामीलगायत अन्य रोगका बिरामीसमेत बढेपछि अस्पतालले घरमै बसेर पनि डाक्टरको परामर्श लिने व्यवस्थासहित ‘हेलो डाक्टर’ सेवा पुन: सुरु गरेको हो ।

कोरोना संक्रमण पुष्टि भएर होम आइसोलेसनमा बसेका व्यक्ति तथा कोरोना भाइरसको आशंका वा लक्षण देखा परेका व्यक्तिले स्वास्थ्य सम्बन्धी सल्लाह तथा परामर्श लिन मोवाइल नंम्बर ९८६४८९६७४५ मा फोन गर्न सक्नेछन् ।

कोरोनासँग सम्वन्धित मात्र नभई अन्य स्वास्थ्यसम्वन्धी समस्या भएका विरामीहरुले समेत उक्त नम्वरमा सम्पर्क गरी परामर्श सेवा लिन सक्ने अस्पतालले जनाएको छ ।

कोरोना भाइरस प्रभावित क्षेत्रबाट आएका र भाइरसको लक्षण देखा परेका नागरिकलाई अस्पतालका मेडिकल अफिसर लगायतका चिकित्सकले फोनबाटै सल्लाह सुझाव दिने हुँदा उनीहरुले सोही अनुसार सतर्कता अपनाउन सक्ने अस्पताल प्रमुख हेमन्त श्रेष्ठले वताए ।

अस्पतालले यसअघि कोरोना संक्रमण जोखिमकै अवस्थामा गत बैशाखमा पनि यो सेवा सञ्चालन गरेको थियो ।